Funksiyalar
1. Misdan, rangli, nodir va noyob metallardan tayyor mahsulotgacha bo‘lgan ko‘p pog‘onali qo‘shilgan qiymat zanjirlarini yaratishga qaratilgan ustuvor loyihalar bo‘yicha takliflar tayyorlash sohasida:
- “xomashyodan tayyor mahsulotgacha” bo‘lgan ko‘p pog‘onali qo‘shilgan qiymat zanjirlarini yaratishga qaratilgan yuqori qo‘shilgan qiymatli tayyor mahsulotlar ishlab chiqarish bo‘yicha ilmiy-texnologik klasterlarni tashkil etish bo‘yicha takliflar ishlab chiqadi;
- mis, rangli, nodir va noyob metallarni qayta ishlash sohasida ishlarni tashkil qilishning zamonaviy usullarini joriy etish bo‘yicha takliflar tayyorlaydi;
- respublikada mis, rangli, nodir va noyob metallardan mahsulot ishlab chiqarish bozorini tahlil qilish, uning o‘sish imkoniyatlari va potensiallarini aniqlaydi, uni rivojlantirish bo‘yicha takliflar ishlab chiqadi.
- misni, rangli, nodir va noyob metallarni qayta ishlab chiqarishning global zanjirlarini tahlil qilish, respublikada raqobatbardosh mahsulotlar turlarini aniqlash asosida ushbu soha korxonalarining eksport salohiyatini oshirish bo‘yicha takliflar ishlab chiqadi;
2. Tog‘-kon metallurgiya sohasi uchun zarur bo‘lgan kon-metallurgiya mashinalari, texnikalari, asbob-uskunalar, xomashyo va materiallar ishlab chiqarish, ularni chuqur qayta ishlash hamda yangi turlarini ishlab chiqarishni o‘zlashtirish, mahalliy ixtisoslashgan tashkilotlar bilan sanoat kooperatsiyasi aloqalari va autsorsing asosida xizmatlar ko‘rsatish turlarini rivojlantirish sohasida:
- kon-metallurgiya mashinalari va texnikalari, asbob-uskunalar, butlovchi qismlar va materiallar importini tahlil qilib, tarmoq korxonalarida, respublikadagi korxonalarida, xorijiy hamkorlar va mahalliy tadbirkorlar bilan qo‘shma loyihalar doirasida ishlab chiqarishni mahalliylashtirish bo‘yicha takliflar tayyorlaydi;
- mahalliylashtirish loyihalari doirasida tarmoq korxonalari va tarmoqlararo sanoat kooperatsiyasi hamda xizmat ko‘rsatishni rivojlantirish bo‘yicha takliflar ishlab chiqadi;
- mahalliylashtirilgan mahsulotlarni kafolatli xarid qilish tizimini joriy etish bo‘yicha takliflar ishlab chiqadi va ushbu tizimni monitoringini yuritadi;
- kon-metallurgiya sohasida mashinalar, texnika, asbob-uskunalar, butlovchi qismlarni ishlab chiqaruvchi yetakchi xorijiy kompaniyalar bilan hamkorlikni yo‘lga qo‘yish va rivojlantirish ishlarini muvofiqlashtiradi;
- ishlab chiqarish jarayonlariga texnologik hamkorlarni jalb qilish borasida tegishli tadbirlarni (shourumlar, roadshoular va hokazo) tashkil etadi.
3. Tog‘-kon metallurgiya sohasida loyiha va injiniring xizmatlari, ilmiy-tadqiqot va tajriba-konstruktorlik ishlarining o‘zaro bog‘liq tizimini rivojlantirish, zamonaviy texnologiyalarni transfer qilish, innovatsiyalarni va raqamli texnologiyalarni joriy etish hamda mavjudlarini takomillashtirish bo‘yicha ilg‘or xorijiy tajribalar asosida fan va ishlab chiqarish o‘rtasidagi o‘zaro hamkorlikning yangi tizimini yo‘lga qo‘yish sohasida:
- kon-metallurgiya sanoatida innovatsion ilmiy-tadqiqot va tajriba-konstruktorlik ishlarini rag‘batlantirish, yetakchi xorijiy hamda respublikamizning ilmiy-tadqiqot muassasalari bilan o‘zaro manfaatli yaqin hamkorlikni yo‘lga qo‘yish bo‘yicha takliflar ishlab chiqadi;
- mis, rangli, nodir, noyob metallar va ulardan tayyor mahsulotlar eksport bozorlari konyunkturasini tizimli o‘rganish hamda respublikada mavjud ilmiy-texnologik salohiyatdan kelib chiqqan holda ustuvor investitsiya loyihalarini amalga oshirish bo‘yicha asoslantirilgan takliflar ishlab chiqadi hamda ekspert xulosalarini tayyorlaydi;
- sohada tajriba-konstruktorlik va ilmiy izlanishlar ko‘lamini kengaytirish va ularning natijalarini hamda innovatsiyalarni ishlab chiqarishga joriy qilish ishlarni muvofiqlashtiradi;
- tarmoq korxonalari ehtiyojidan kelib chiqib, zamonaviy xorijiy texnologiyalar transferini amalga oshirish yuzasidan kompleks takliflarni ishlab chiqadi va amalga oshirilayotgan ishlarni muvofiqlashtiradi;
- tarmoq korxonalari tomonidan hamda Davlat investitsiya dasturlari doirasida davlat ulushi 50 foiz ва undan yuqori boʻlgan xoʻjalik yurituvchi subyektlarning sohaga bogʻliq investitsiya loyihalari, shu jumladan, XMI, DXSH, toʻliq davlat byudjetidan moliyalashtiriladigan loyihalar, davlat kafolati ostidagi kreditlar hisobidan amalga oshiriladigan loyihalar hamda yirik investitsiya loyihalari boʻyicha hаr bir loyiha tashabbuskori bilan kelishgan holda, ushbu loyihalar qurilish ishlarining, asbob-uskuna vа qurilmalarning mahalliy ishlab chiqaruvchilar ishtirokini kengaytirish, bunda loyiha doirasida zarur boʻladigan asbob uskuna va materiallarda mahalliy kontentning ulushini oshirish boʻyicha hamkorlikda takliflar tayyorlaydi
- tarmoq korxonalari import qiladigan laboratoriya xizmatlar ro‘yxatini shakllantirib, respublikamizdagi imkoniyatlarning tahlili asosida ushbu xizmatlarni mahalliylashtirishni tashkil etish bo‘yicha takliflar tayyorlaydi;
- laboratoriya xizmatlari salohiyatini rivojlantirish yo‘nalishda yangi investitsiya loyihalarini shakllantiradi va ularni amalga oshirilishini muvofiqlashtiradi;
- laboratoriya xizmatlari ko‘rsatish uchun zarur mutaxassislarga bo‘lgan talabni aniqlash va ularni tayyorlashni tashkil qilish bo‘yicha takliflar ishlab chiqadi;
- kon-metallurgiya va misni qayta ishlash sohalarida xalqaro sertifikatsiya, akkreditatsiya hujjatlarni rasmiylashtirishda ko‘maklashadi;
- kon-metallurgiya korxonalari va misni qayta ishlash loyihalari doirasida tashkil etilayotgan yangi korxonalarda raqamli texnologiyalarni joriy etilishining monitoringini yuritadi va ushbu yo‘nalishni muvofiqlashtiradi;
4. Respublikadagi yetakchi kon-metallurgiya korxonalariga sanoat mahsulotlarini mahalliylashtirish, ishlab chiqarish samaradorligini oshirish va tannarxni pasaytirish sohasida:
- kon-metallurgiya korxonalarida qo‘llanilayotgan texnologiyalarni hamda ishlab chiqarishni tashkil qilish jarayonlarini tahlil qilishni tashkillashtiradi va bunda ishtirok etadi;
- mehnat unumdorligiga va ishlab chiqarish samaradorligiga bevosita va bilvosita ta’sir ko‘rsatadigan omillarni aniqlab, ularning salbiy ta’sirini kamaytirish choralari yuzasidan takliflar ishlab chiqadi;
- mahsulot sifatini oshirish va tannarxini pasaytirish yuzasidan amalga oshirilayotgan ishlarni tahlil qilish ishlarini tashkil etadi va takliflar ishlab chiqadi, bu borada yetakchi konsalting kompaniyalarni jalb qiladi;
5. Fan va muhandislik byurosi, shourumlar, roadshoularni tashkil etish, loyihalarni ishlab chiqish, brend kompaniyalar bilan hamkorlikni yo‘lga qo‘yish, texnologik hamkorlarni jalb qilish sohasida:
- kon-metallurgiya hamda mis, rangli, nodir va noyob metallarni qayta ishlash sohalarida dunyoning yetakchi ishlab chiqarish va ilmiy tadqiqot kompaniyalari (shu jumladan, taniqli brendlarga ega kompaniyalar), xalqaro tashkilotlar bilan Markazga yuklatilgan vazifalar doirasida hamkorlikni yo‘lga qo‘yadi, o‘z vakolati doirasida tegishli bitimlar va kelishuvlar tuzadi;
- hamkorlik doirasida qo‘shma fan va muhandislik byurolari faoliyatini tashkil qilishda ishtirok etadi va muvofiqlashtiradi;
- hamkorlar bilan birgalikda Markazning faoliyatiga oid shourumlar, roadshoularni tashkil etish bo‘yicha takliflar ishlab chiqadi va amalga oshirilishini muvofiqlashtiradi;
- kon-metallurgiya korxonalariga investitsiya loyihalari doirasida yetakchi xorijiy injiniring va texnologik kompaniyalarni jalb qilishda va hamkorlik o‘rnatishda yordam ko‘rsatadi;
6. Kon-metallurgiya, elektrotexnika, mashinasozlik, dastgohsozlik sohalarida kadrlarni tayyorlash, qayta tayyorlash va ularning malakasini oshirish, shuningdek, mavjud va yangi barpo etiladigan ishlab chiqarish quvvatlarini yuqori malakali mahalliy va xorijiy mutaxassislar bilan ta’minlash sohasida:
- ilg‘or xorijiy tajribani o‘rgangan holda tarmoq korxonalari va mis sanoati klasteri uchun kadrlarni tayyorlash va qayta tayyorlash, ularning malakasini oshirish bo‘yicha takliflar tayyorlaydi;
- kon-metallurgiya korxonalari uchun ehtiyoji yuqori bo‘lgan mutaxassislarni tayyorlash, ularni malakasini oshirishni rag‘batlantirish tizimini tashkil qilish va rivojlantirish ishlarini muvofiqlashtiradi.
7. Tog‘-kon metallurgiya va misni qayta ishlash sohalarida xalqaro aloqalarni kengaytirish, xalqaro moliya tashkilotlarining grantlarini jalb qilish sohasida:
- tarmoqda mis, rangli, nodir va noyob metallarni qayta ishlash va mahalliylashtirish loyihalari doirasida yetakchi xorijiy kompaniyalar, shu jumladan, taniqli konsalting kompaniyalari, ilmiy-tadqiqot va moliya tashkilotlari bilan hamkorlik aloqalari o‘rnatish va rivojlantirish borasida ishlarni muvofiqlashtiradi;
- xalqaro moliya tashkilotlari grantlarini va kreditlarini jalb qilish borasida tarmoq korxonalariga va misni qayta ishlash bo‘yicha yangi tuzilayotgan korxonalarga yordam ko‘rsatadi va bu boradagi ishlarni muvofiqlashtiradi;
8. Ilmiy muassasalar bilan yaqindan hamkorlik qilish borasida:
- kon-metallurgiya sohasida ilmiy, innovatsion, mutaxassislarni tayyorlash va malakasini oshirish yo‘nalishlarida ilmiy muassasalar bilan hamkorlik dasturlarini ishlab chiqishni tashkil qiladi va amalga oshirishni muvofiqlashtiradi;
- ilmiy muassasalar vakillari ishtirokida kon-metallurgiya va misni qayta ishlash sohalarida ishlab chiqarish yo‘nalishlari doirasida mahalliy ekspertlar guruhlarini shakllantirish bo‘yicha takliflar tayyorlaydi va ularning faoliyatini muvofiqlashtirib boradi.
TOG‘-KON SANOATIDA MAHALLIYLASHTIRISH VA SANOAT KOOPERATSIYASINI RIVOJLANTIRISH ILMIY-AMALIY MARKAZI
© 2025. IT Works! tomonidan ishlab chiqildi