2024-yil 6-dekabr kuni soat 6.00 da Mis boyitish fabrikasi mehnat jamoasi Mis eritish zavodiga mis konsentrati tarkibida mis metallini yetkazib berish bo‘yicha yillik prognozni muddatidan avval bajarishdi. Mis eritish zavodiga 113 496,3 tonna mis konsentrati yetkazib berildi.
Rudadagi dastlabki miqdorni hisobga olgan holda, bunday natijaga erishish Mis boyitish fabrikasining butun tarixi davomida rekord natija hisoblanadi. Joriy yil uchun ma’danni qabul qilish va qayta ishlash bo‘yicha belgilangan vazifalarning kutilayotgan bajarilishini inobatga olgan holda, fabrika jamoasi barcha prognoz ko‘rsatkichlari bo‘yicha rekord natijalarga erishishi mumkin.
Ta’kidlash joizki, joriy yil boshida kollektiv mahsulotni (Cu-Mo konsentrati) quyultirish uchun yangi yuqori tezlikda ishlaydigan 13-va 14-sonli quyultirgichlar ishga tushirildi, rejalashtirilgan 23 ta nasos-gidrosiklon qurilmalaridan 2 tasi o‘rnatildi. Shuningdek, 3-jamlanmani o‘rnatish bo‘yicha montaj ishlari boshlandi. Amalga oshirilayotgan modernizatsiya ishlari texnologik jarayonni to‘xtatishni talab etadi. Shunga qaramay, fabrika mehnat jamoasi qo‘yilgan vazifalarni uddaladi.
Shuningdek, kelgusi yilda maydalash va flotatsiya sexining birinchi flotatsion monoseksiyasini rekonstruksiya qilish, 29 dona markazdan qochma konsentratorlarni(bu oltinni ajratib olish ko‘rsatkichini oshirish imkonini beradi), 6 ta nagnetatellarning to‘liq jamlanmasini va nasos-gidrosiklon qurilmalari maydalash bosqichida o‘rnatish ishlari rejalashtirilgan.
2025-yil uchun tasdiqlangan umumiy balansga ko‘ra, fabrikada 40,3 million tonna rudani qayta ishlash rejalashtirilgan bo‘lib, bu joriy yilga nisbatan 1 million tonna ko‘pdir. Rekonstruksiya ishlarining yakuniy bosqichi, fabrika xodimlarining malakasi va rahbariyat tomonidan zarur resurslar bilan o‘z vaqtida ta’minlanishini inobatga olgan holda, Mis boyitish fabrikasi kelgusi yilda ham mavjud rekordlarni yangilashga tayyor.
Ravshan Sidiqov,
Mis boyitish fabrikasi direktori
