Unda investisiya masalalari koʻrib chiqilmoqda. Ochiqlik va kuchli investisiya siyosati natijasida iqtisodiyotimiz barqaror oʻsib kelayotgani ta’kidlandi. Xususan, 2024 yilda yalpi ichki mahsulot 6,5 foizga oshib, 115 milliard dollarga etdi, xorijiy investisiya 1,6 barobar oʻsib, 34,9 milliard dollarni tashkil qildi, qiymati 10 milliard dollarlik 242 ta yirik va oʻrta loyihalar ishga tushdi, eksport ilk bor 27 milliard dollarga chiqdi. Oʻtgan yili 50 ta tumanga 100 million dollardan koʻp sarmoya kirib keldi (2023 yilda bunday tumanlar 11 ta edi). Davlatobod, Yangi Namangan, Mirzo Ulugʻbek, Chilonzor, Shayxontohur tumanlari, Namangan va Samarqand shaharlarida investisiyalar 300 million dollardan oshgan. Togʻ-kon, neftgaz, kimyo, qishloq xoʻjaligida reja 2 karra ortigʻi bilan bajarildi.
