Маҳаллийлаштириш марказида Малака ошириш институти, «НКМК» АЖ, «ОКМК» АЖ, «Навоийуран» ДК, «ЎзТМК» АЖ ҳамда «Ўзбеккўмир» АЖ мутахассисларидан иборат ишчи гуруҳ томонидан амалий ишлар олиб борилмоқда.
Иш жараёнлари давомида:
- ўрта бўғин раҳбарлар фаолиятига қўйилаётган замонавий талаблар таҳлил қилинмоқда;
- компетенция модели ва баҳолаш мезонлари ишлаб чиқилмоқда;
- лавозимга тайёрлаш ва резерв кадрлар билан ишлаш тизимини такомиллаштириш масалалари кўриб чиқилмоқда;
- малака ошириш курслари учун намунавий ўқув дастурлари ва модуллар шакллантирилмоқда.
Ушбу амалий қадамлар тармоқда бошқарув самарадорлигини ошириш, кадрлар захирасини мустаҳкамлаш ва узлуксиз касбий ривожланиш тизимини йўлга қўйишга хизмат қилади.
